Хоророт „The Conjuring: The Devil Made Me Do It“ триумфираше на бокс-офисот во Северна Америка, со заработка од 24 милиони долари, пренесе Variety.
Два хорор филма се најдоа на врвот на бокс-офисот, последниот „Conjuring“ филм на Warner Bros. го засени „A Quiet Place 2“ на бокс-офисот. По олабавување на рестриктивните мерки, околу 75% од киносалите во САД се отворени и по добрата продажба на билети за „The Devil Made me Do It“ и „A Quiet Place 2“, филмската индустрија е оптимистична за брзо закрепнување од ужасната година со одложувања и празни киносали.
Со очекуваните премиери како на „Black Widow“ летната филмска сезона можеби има шанси да доживее малку повеќе стабилност.
„Ова е уште еден позитивен знак за индустријата“, вели Дејвид А. Грос од Franchise Entertainment Research. „Два слични филма на врвот на листата со одлични бројки покажуваат закрепнување на пазарот. Добро е да се види тоа“, вели тој.
Од вториот викенд на прикажување, хоророт „A Quiet Place 2“ заработи 19.5 милиони долари. На третото место се најде „Cruella“ со 11.2 милиони долари.
По него на листата е „Spirit Untamed“ со 6.2 милиони долари, додека „Raya and the Last Dragon“ се најде на петтото место со 1.3 милиони долари.
