Светлото на крајот од тунелот наречен пандемија со COVID-19 е вакцина за целиот свет, а во Хрватска беше спроведено истражување за тоа колку граѓани би се вакцинирале против коронавирусот SARS-CoV-2.
Одговорот нема да им се допадне на оние што се залагаат за вакцинација, бидејќи мнозинството сепак е против. Резултатите се следни: 13 проценти од испитаниците сигурно ќе се вакцинираат, а 30 проценти веројатно ќе го сторат тоа.
36 проценти се изјасниле дека најверојатно нема да се вакцинираат, а 21% од испитаниците се сигурни дека ќе го заобиколат првиот бран вакцинирање.
Кога ќе се соберат сите овие податоци собрани од 12 до 15 октомври, 57% од граѓаните нема да се вакцинираат.
Малцинство се оние кои се согласуваат на новата вакцина, а повеќето од причините се следниве.
На прво место е одговорноста кон другите сограѓани и фактот дека повисоката вакцинација ја потиснува инфекцијата - така мислат повеќе од половина од приврзаниците на вакцинацијата. Голем број од нив би го сториле тоа како мерка на претпазливост. Граѓаните ја избираат вакцината и затоа што не би сакале да ги заразат постарите или ризичните членови на семејството. Една четвртина ќе се вакцинираат затоа што се постари и затоа што тоа е препорака на медицинските професионалци.
Повеќето не сакаат да се вакцинираат - а она што најмногу ги загрижува и зошто одбиваат вакцинација е што не веруваат во новата вакцина сѐ додека не се покаже дека е безбедна, а има и голем број на оние кои се плашат од несакани ефекти.
Секој трет противник на вакцинацијата смета дека вакцините се генерално небезбедни и можат да имаат долгорочни здравствени последици. Еднаков број се убедени дека не спаѓаат во ризична група. Една четвртина од противниците на вакцинацијата тврдат дека вирусот постојано мутира и дека вакцинацијата нема да ги заштити.
Големината на примерокот е 523 испитаници, статистичката грешка е 4,3 проценти.
Сè уште не е познато кога вакцината ќе пристигне во Хрватска. Она што е познато е дека вакцинацијата ќе биде доброволна и бесплатна за приоритетните групи, како што се здравствените работници, потоа хроничните и онколошките пациенти, а после тоа ќе започне вакцинацијата на општата популација.
Дали Вие би се вакцинирале против коронавирусот?
Продолжете да читате: Ова се цените на вакцините против COVID-19
