Во последниве години, пазарот е преплавен од сосема непознати производители на гуми со многу евтини производи. Дали се исплати да купите вакви пневматици?
Токму тоа се прашуваа и во Tire Reviews, па ставија осум евтини гуми на тест. Освен што бараа победник меѓу нив, на тестот решија да покажат како овие евтини гуми се споредуваат со некои скапи премиум гуми. Во конкретниот случај се работи за гума Continental Premium Contact 7 со докажан квалитет, која е на врвот на светот во речиси сите спроведени тестови.
Гумата Continental беше споредена со пневматиците Nankang Econex NA1, Davanti DX390, Winrun R330, Tomket Sport Series 1, King Meiler Sport 1 KM, Triangle SporteX TH201, Maxtrek MAXIMUS M1 и Double Coin DC99, а тестот беше спроведен на Volkswagen Golf.
На влажнa патека, резултатите покажаа колку се подобри премиум гумите во такви услови. Држењето на патот е драстично подобро, додека растојанието за сопирање од 80 до 5 км/час покажа неверојатна разлика од дури 14 метри помеѓу Continental и најлошата евтина гума. На второпласираниот Tomket му беа потребни дополнителни седум метри.
На суво, разликата е малку помала, но гумата Continental е сепак премногу моќна. Во однос на управувањето, Nankang се покажа солидно, но со малку поизразено маневрирање. Единствените области каде што Continental ја губи титулата најдобар се бучавата (и отпорот) при тркалање, за два dB, и цената, која е над 40% повисока од втората најскапа гума.
Како заклучок, се нагласува дека безбедноста е клучна при изборот на гуми. Однесувањето на влажни површини јасно покажува дека премиум пневматиците вредат разликата во цената.
