Една од одлуките на ВАР технологијата од натпревар во Премиер лигата уште еднаш го привлече вниманието на јавноста.
По прегледувањето на видеото од натпреварот помеѓу Кристал Палас и Лидс, беше решено да се поништи голот на Патрик Бамфорд, иако е очигледно дека само неговата рака била во недозволена положба, а не и рамото.
„Ова е најлошото нешто што сум го видел. Најлошото во историјата на фудбалот", изјави Роби Севиџ, поранешен велшки играч за врска.
„Апсурд“, рече Гери Линекер на социјалните мрежи.
„Ова е уште една смешна ВАР одлука, со која се поништува голот на Бамфорд. Ми се гади од начинот на кој се спроведува.“
„Беше апсолутно одвратна одлука да му се поништи голот на Бамфорд. Само затоа што има долги раце и покажува каде сака да му биде додадена топката“, рече Џермејн Џенас.
Главниот јунак на целата приказна вели дека сето ова нема смисла.
„Не го разбирам ова правило. Не можеш да постигнеш гол со рака. Нема смисла. Ми се случи и мене, но и го имам видено многупати. Го уништува фудбалот. Сакаш да гледаш голови. Неверојатно е што се случува ова. Дури и судијата не можеше да сфати. Кога играчите и судиите не можат да сфатат, дали има смисла?“, праша Бамфорд.
Правилата велат дека одлуката на ВАР е точна. Според нив, неговата рака е во офсајд, без оглед на нејзиното движење. Правилото вели дека рамото е дел од телото со кој може да се постигне гол, па затоа подложи на правилата за офсајд.
Инаку, Кристал Палас на крајот славеше со 4: 1 против Лидс Јунајтед.
Што мислите вие? Дали се согласувате со одлуката на ВАР? Дали технологијата го уништува фудбалот?