Со пораз од Холандија со 3:2, Украина го израмни негативниот рекорд од шест последователни загубени натпревари на Европските шампионати.
Украина на тој начин ѝ се приклучи на Југославија, која загуби шест натпревари по ред од 1968 до 1984 година. Прво во финалето во 1968 година од Италија 2:0, потоа осум години подоцна од Западна Германија 4: 2 и Холандија 3: 1, а потоа во групната фаза во 1984 година од Белгија 2:0, Данска 5:0 и Франција 3:2.
Украинците чекаа бодови од 2012 година, кога беа домаќини и ја победија Шведска во првото коло. Потоа загубија од Франција, Англија, Германија, Северна Ирска, Полска и синоќа од Холандија.
Во следното коло, во четврток од 15 часот, репрезентацијата на Македонија ќе се потруди да ја продолжи црната низа на Украина и да го зацементира негативниот рекорд на ривалот.
„Сега треба добро да се подготвиме за Украина. Овој натпревар за нас ќе биде одлучувачки. Треба да играме напаѓачки, на сè или ништо“, рече капитенот Горан Пандев по вчерашниот пораз од Австрија.
