Дали трудниците треба да се вакцинираат?

Бремените жени се сметаат за високоризични КОВИД пациенти. И покрај тоа, во Германија постои колебање за нивната вакцинација, пишува Deutsche Welle и го поставува прашањето - зошто?

35-годишната Ања В. е во 25-тата недела од бременоста и би сакала да се вакцинира против коронавирусот доколку има јасни официјални препораки. Таа е доктор и добро е запознаена со проблемот.

„Ако Здружението на гинеколози и Постојаниот комитет за вакцинација (Stiko) дадат јасна изјава и да кажат дека ризикот за бремени жени од вакцинација е помал отколку од коронавирусот, јас веднаш би се вакцинирала. Засега, следам како се развива ситуацијата. Во САД трудниците веќе се вакцинираат.“

И навистина: во САД, но и во Велика Британија, Белгија и Израел, има препорака за вакцинација за бремени жени, на некои места се дури и приоритетни. Во Германија, Stiko сè уште чека со препораката за бремени жени и доилки.

Специјалистите вршат притисок

И затоа гинеколошките здруженија во Германија сега вршат притисок. Тие укажуваат дека ризикот од тешка форма на болеста е поголем кај бремени жени и се повикуваат на податоците за безбедноста на mRNA вакцините кај бремени жени.

Штефан Клуге, директор на Универзитетската клиника во Хамбург-Епендорф, сведочи за пет тешки случаи на инфекција со коронавирус кај бремени жени само во последните две недели.

„Овие случаи се особено драматични. Треба веднаш да започнеме со вакцинирање на бремени жени“, изјави Клуге за агенцијата dpa.

Но, Stiko, кој функционира во рамките на Државниот епидемиолошки институт Роберт Кох, во средината на април се изјасни против генералниот повик за вакцинирање на бремени жени. Вакцинацијата се препорачува само за бремени жени со други болести и „на сопствен ризик“.

Како што се наведува, нема доволно веродостојни податоци за општа препорака за вакцинација на бремени жени затоа што бремените жени се исклучени од клиничките испитувања. Иако Stiko генерално не обесхрабрува вакцинирање за бремени жени, тој исто така не може генерално да го препорача.

Не сме ниту за, ниту против - за идните мајки, тоа не е многу корисно.

Компликациите кај заболените се докажани

Но, бремените жени спаѓаат во групата „со висок ризик“ по минатиот септември, кога во British Medical Journal беше објавен преглед на студии со повеќе од 68.000 жени. Откриено е дека, несомнено, инфекцијата кај бремените жени петпати почесто поминува без симптоми, но дека исто така тие двојно почесто зависат од интензивна медицинска нега и се на респиратори по заразување. И стапката на смртност е висока со два случаи на 10.000 случаи. Претходни заболувања како што се дијабетес или прекумерна тежина, исто така, играат улога. Може да се каже дека бремените жени се ранливи на инфекција со коронавирус како и луѓето на возраст меѓу 70 и 84 години.

Бременост со грижи

Ако бремените жени се ризични пациенти, тогаш треба да бидат заштитени, вели Ања В.

„Како лекар и мајка, изложена сум на посебни ризици. Оваа бременост ја доживувам со многу повеќе грижи од првата. Работам во болница и се обидувам колку што можам да се заштитам ос коронавирус“, вели таа за DW.

Додава дека е принудена да ја испраќа тригодишната ќерка двапати неделно во градинка каде што ризикот од инфекција е голем. Кога би работела од дома, вели таа, би можела сама да се грижи за ќерката и да не биде изложена на дополнителна опасност.

Таа сака гинеколошките здруженија да одлучат да препорачаат вакцинирање на бремени жени и укажува на еден регистар на вакцинирани бремени жени во САД што досега нема забележано никакви компликации кај бремени жени по вакцинирањето.

Предност на mRNA вакцините

Не сите вакцини се погодни за бремени жени, туку само т.н. mRNA вакцини како што се вакцините на Biontech/Pfizer и Moderna. Поради помалиот ризик од тромбоза, Ања В. исто така ги претпочита овие вакцини. Таа се надева дека наскоро, најдоцна до летово, ќе биде издадена препорака за вакцинација на бремени жени.

„Но, дотогаш, веќе ќе го родам бебето“, заклучува таа.

реклама

Јадрото на Земјата станува сѐ погусто од едната страна, научниците не знаат зошто

Read more

Што ќе се случи ако правите 300 „чучњеви“ секој ден, цел месец?

Read more

Кит проголта нуркач, па го исфрли неповреден

Read more

Путин: Замислете да испратиме војска до вашите граници

Read more

Здравје

Кои се симптомите на индискиот сој на коронавирус?

Read more

Научно докажано: Боењето и цртањето ги намалуваат стресот и анксиозноста

Read more

Како учењето на странски јазици влијае врз развојот на мозокот кај децата?

Read more

Најголемите митови за автофагија

Read more
 

Магазин

Кои се симптомите на индискиот сој на коронавирус?

Читај повеќе

Идеја за десерт: Павлова торта

Читај повеќе
  • filter

Пентхаус во Мајами е најскапата недвижност платена со криптовалута

Читај повеќе
  • play_arrow

Дупка „проголта“ паркиран автомобил во Индија

Читај повеќе

Научно докажано: Боењето и цртањето ги намалуваат стресот и анксиозноста

Читај повеќе
  • play_arrow

Поради убавата насмевка го сметаат за најзгодниот учител во Австралија

Читај повеќе

Секс ситуации во кои жените најмногу грешат

Читај повеќе
  • play_arrow

Што ќе се случи ако правите 300 „чучњеви“ секој ден, цел месец?

Читај повеќе

Како учењето на странски јазици влијае врз развојот на мозокот кај децата?

Читај повеќе