Пет натпревари од италијанската Серија А, вклучително и дербито Јувентус - Интер, се откажани поради корона вирусот.
Натпреварите требаше да бидат одиграни пред празни трибини викендов за да се спречи евентуално ширење на корона вирусот во северниот дел на Италија, но сите натпревари се одложени за 13 мај.
Клубовите не сакаа да ги изгубат приходите од вакви големи натпревари, особено Јувентус кој од продажбата на билети од средбата со Интер би заработил 5 милиони евра.
Исто така, целта е да се избегне тоа некој клуб да има предност, а 13 мај е единствениот можен датум со оглед на тоа што Јувентус и Интер настапуваат на полуфиналето на Купот на Италија, кое сега е одложено за 20 мај, пренесува Football Italia.
Другите одложени средби се Удинезе - Фиорентина, Милан - Џеноа, Парма - СПАЛ и Сасуоло - Бреша.
Од оваа 26-та рунда ќе се одиграат само пет средби:
Лацио - Болоња / сабота, 15:00 часот
Наполи - Торино / сабота, 20:45 часот
Лече - Аталанта / недела, 15:00 часот
Каљари - Рома / недела, 18:00 часот
Сампдорија - Верона / понеделник, 20:45 часот.
