Едно 14-годишно момче се здобило со смртни повреди во нередите кои ги предизвикаа мароканските навивачи по синоќешното мундијалско полуфинале против Франција.
Во соопштението кое го издадоа локалните власти се наведува дека во момчето силно удрил автомобил во јужниот француски град Монпелје, по што итно било пренесено во болница, но брзо им подлегнало на повредите.
Возилото со кое било удрено било пронајдено во близина на местото на несреќата, а полицијата врши увид.
На видео снимките кои се шират на интернет се гледа гужва на улиците околу местото каде момчето било смртно удрено.
Голем број на Мароканци живеат во Франција во гилкем број градови се организираа да го следат натпреварот на плоштадите, а во неколку градови меѓу кои и престолнината Париз дојде до судир со домашните француски навивачи.
Франција синоќа со 2:0 го совлада најпријатното изненадување на Муандијалот, Мароко, и се избори за финале против Аргентина.
Епилогот, освен еден загинат, е околу 170 приведени лица низ целата земја, од кои повеќе од 100 во Париз. Повеќе од 10.000 полицајци беа вклучени во одржувањето на редот низ цела Франција.