Леонардо Дикаприо донира 10 милиони долари како поддршка за Украина, земја со која лично е поврзан бидејќи неговата баба по мајка е родена во Одеса како Јелена Степановна Смирнова.
Во 1917 година Јелена заедно со родителите емигрирала во Германија, каде е родена мајката на Дикаприо. Актерот бил многу близок со својата баба, која од самиот почеток на кариерата му е огромна поддршка. Позната како Хелене Инденбиркен, починала во 2008 година на 93 години, а скоро до крајот на животот се појавувала со внукот и ќерката на филмските премиери.
Информацијата дека актерот дал 10 милиони долари како поддршка на Украина не ја објави лично тој, туку меѓународна организација чија цел е да финансира поддршки од меѓународни иницијативи.
Актерот, номиниран за Оскар 6 пати, веќе шест години работи и како еколог, неодамна е вклучен во иницијативата на борба посветена против климатските катастрофи.
Бројни актери и режисери се вклучија во солидарност со украинскиот народ, а многумина собираат пари за конкретна помош на народот.
