Во исчекување на еден од нашите омилени астрономски настани, метеорскиот дожд Персеиди, се потсетуваме како бил откриен и како го добил своето име.
Според хеленската митологија јунакот Персеј, син на Ѕевс, се оженил со Андромеда и со неа имал 9 деца. Персеиди, збор што се однесува на потомците на Персеј, денес претставува еден од најпознатите метеорски дождови што секое лето го набљудуваме на ноќното небо.
А што е со Персеидите, метеорскиот дожд кој според науката претставува еден од највозбудливите моменти за љубителите на астрономските настани?
Американските астрономи Луис Свифт и Хорас Татл во 1862 година откриле комета во соѕвездието Персеј, која денес е именувата по нивните презимиња Свифт-Татл. Две години подоцна, Џовани Скјапарели ја сфатил врската помеѓу кометата и метеорскиот дожд.
Потоа, тој исто така поврзал дека спектаклот што го гледаме на небото секоја година помеѓу јули и август се случува кога Земјата минува низ орбитата на кометата 109P/Swift–Tuttle на својот пат околу Сонцето.
Кога остатоците што кометата ги остава зад себе на својот пат ќе навлезат во атмосферата на Земјата со просечна брзина од 70 km/s, тие или испаруваат оставајќи светла трага или експлодираат како огнени топки.
Иако минувањето на Земјата низ орбитата на кометата 109P/Swift–Tuttle, за време на кое парчиња од оваа комета влегуваат во земјината атмосфера, трае околу еден месец од деновите на Земјата, средбата е најинтензивна помеѓу 12 и 13 август, кога метеорскиот дожд од Земјата е највидлив.