Вчера беа доделени наградите за најлошото во светот на филмот за 2020 година. Наградите се доделуваат од 1981 година и тоа ден пред доделувањето на Оскарите за најдоброто во филмската индустрија.
За најлош филм е прогласен „Absolute Proof“ во кој главната улога ја толкува Мајк Линдел (кој ја доби и наградата за најлош актер, додека наградата за најлошо сценарио ја доби еротската драма „365 Days“.
Руди Џулијани доби Златна малина за најлоша споредна улога во „Borat Subsequent Moviefilm“, како и за најлоша филмска комбинација во истиот филм.
Најмногу награди однесе филмот „Music“ и тоа за најлоша режисерка – Сиа, за најлоша актерка – Кејт Хадсон и за најлоша женска споредна улога – Меди Зеглер.
Златната малина за најлош римејк му припадна на филмот „Dolittle“.
