Позитивните коментари за новиот документарец на Netflix за Џон Готи - „Get Gotti“ - ги преплавија социјалните мрежи, а корисниците ги повикуваат останатите да го гледаат.
Документарецот ја раскажува приказната за Џон Готи, шеф на една од најмоќните американски мафијашки организации - семејството Гамбино. Серијата пристигна на Netflix пред само три дена, но тоа беше доволно за гледачите да ја испофалат на социјалните мрежи.
Готи - со прекар Д Дајпер, или Тефлон Дон - наредил и помогнал во извршувањето на атентатот на шефот на Гамбино, Пол Кастелано, по што го презеде водството на семејството познато по коцкање и дилање дрога.
Се вели дека семејството Гамбино во една фаза остварило годишен приход од 500 милиони долари.
И покрај тоа што беше ослободен по три судења во 80-тите, Готи подоцна беше фатен од ФБИ - потпомогнат од неговата десна рака Салваторе Гравано - и осуден по повеќе обвиненија во 1992 година, вклучувајќи затајување данок и пет убиства, на доживотен затвор без можности за условно ослободување.
Поголемиот дел од времето го помина во затвор во самица, за подоцна да биде префрлен во Медицинскиот центар за федерални затвореници на САД во Спрингфилд, Мисури, откако му беше дијагностициран рак на грлото, па се врати назад по операцијата.
Готи почина во 2002 година поради болест на 61-годишна возраст.
Неговиот живот е инспирација за неколку ТВ серии и филмови, како што е филмот „Getting Gotti“ на CBS објавен во 1994 година. Гледачите на новата серија на Netflix веќе се ентузијасти за документарниот филм, иако тој пристигна на платформата пред само три дена, а на социјалните мрежи ги напишаа своите критики.
„Ако сакате мафијашки емисии/филмови, дефинитивно ви го препорачувам 'Get Gotti' на Netflix“, „'Get Gotti' на Netflix мора да се гледа! Документарните филмови за мафијашките босови се најдобри 10/10“, „'Get Gotti' е одличен“, се само некои од сличните коментари.
