Словенецот во НБА лигата, Лука Дончиќ, пред вчерашниот натпревар против Сан Антонио Спарс ги воодушеви своите соиграчи од редовите на Далас Маверикс.
Дончиќ одигра одлична партија против Спарс и постигна 39 поени со 12 скока и 10 асистенции во победата на Мавс од 144:119.
Словенечкото чудо ја покажа својата дарежливост уште пред почетокот на натпреварот кога на секој соиграч и член на стручниот штаб му подари посебен подарок.
Секој од нив во соблекувалната го чекаше електричен велосипед пред почетокот на дербито на Тексас против Сан Антонио Спарс.
Соиграчите не го криеја ентузијазмот за споменатите подароци.