Лука Дончиќ имаше ноќ за паметење во НБА лигата и покрај поразот на Далас од Чикаго од 117:101, откако стигна до својот 29 трипл-дабл ефект во кариерата.
Словенечкиот кошаркар мечот го заврши со фантастични 36 поени, 16 скокови и 15 асистенции, минувајќи го на вечната трипл-дабл листа легендарниот Мајкл Џордан.
Кошаркарот на Далас, кој ја игра својата трета сезона во НБА, сега е на два чекори да го израмни рекордот што го држи Џон Хавилчек, кој постигна 31 трипл-дабл ефекти за вкупно 16 сезони минати во најсилната кошаркарска лига на светот.
Резултати од ноќта меѓу неделата и понеделник:
Денвер Нагетс - Јута Џез 105:109
Сакраменто Кингс - Њу Орлеанс Пеликанс 123:128
Лос Анџелес Клиперс - Индијана Пејсерс 129:96
Далас Маверикс - Чикаго Булс 101:117
Бостон Селтикс - Њујорк Никс 75:105
Натпреварите Вашингтон Визард - Кливленд Кавалирс и Оклахома Сити Тандер - Филаделфија 76ерс беа одложени поради здравствените протоколи што се на сила во НБА лигата.