Далас Маверикс го победи Мемфис Гризлис со 120:113, а до победата ги предводеше Словенецот Лука Дончиќ, кој на овој натпревар стигна до 1.000 тројки во НБА.
До тој подвиг стигна на само 351 одигран натпревар, а единствениот кој успеа да го направи тоа достигнување пред него беше Бади Хилд, кој погоди 1.000 тројки на 350 одиграни натпревари.
За споредба, на Стеф Кари му беа потребни 369 натпревари за да постигне 1.000 тројки.
На крајот натпреварот го заврши со 35 поени, 8 скока и 6 асистенции, додека Харди додаде 19 со 4 асистенции. Ексум и Лајвли мечот го завршија со по 16 поени, а двоцифрен беше Проспер со 11 поени, 4 скока и 2 асистенции.
На другата страна најдобар беше Џексон со 41 поен, 4 скока и 2 асистенции, додека Бејн додаде 28 со 8 асистенции и 3 скока, а уште еден двоцифрен беше Вилијамс со 10 поени и 9 скока.
Да додадеме дека Дончиќ кон крајот на натпреварот ја исмеваше домашната публика, а неговата реакција стана хит на социјалните мрежи.
Резултати:
Шарлот Хорнетс - Мајами Хит 114:116
Детроит Пистонс - Индијана Пејсерс 123:131
Орландо Меџик - Кливленд Кавалирс 104:94
Филаделфија 76ерс - Вашингтон Визардс 146:101
Атланта Хокс - Денвер Нагетс 122:129
Њујорк Никс - Торонто Репторс 136:130
Хјустон Рокитс - Сан Антонио Спарс 93:82
Мемфис Гризлис - Далас Маверикс 113:120
Милвоки Бакс - Чикаго Булс 133:129 (прод.)
Њу Орлеанс Пеликанс - Минесота Тимбервулвс 121:107
Оклахома Сити Тандер - Јута Џез 134:120
Сакраменто Кингс - Бруклин Нетс 131:118
Лос Анџелес Клиперс - Портланд Треил Блејзерс 132:127
Табела:
