Цената на биткоинот во саботата падна за седум отсто за помалку од еден час, а цените на другите криптовалути исто така драстично паднаа откако Иран започна напад врз Израел.
Цената на биткоинот во сабота попладне е на 62.570 долари, а неколку минути претходно се спушти на најниските нивоа од тој ден, 60.908 долари, пишува Forbes.
Цената на етереум падна за над девет отсто, на 2.923 долари, додека цените на бајненс и солана паднаа за девет, односно 18 отсто. Цените на неколку криптовалути со помала трговија паднаа за најмалку 15 отсто. Меѓу нив се аваланш (20 проценти), XRP (20 проценти) и мем токен dogecoin (18 проценти).
Биткоинот достигна рекордна цена од 73.750 долари на 24 март.
Стравувањата за растечкиот геополитички конфликт на Блискиот Исток оставија трага на американските пазари во последните денови. Dow Jones падна за 475 поени во петокот, откако Белата куќа соопшти дека САД и Израел се подготвуваат за можен напад од Иран.
Извршниот директор на JPMorgan Chase, Џејми Дајмон, им кажа на инвеститорите дека геополитичкиот конфликт е причина за загриженост, истакнувајќи дека тој би можел „да игра клучна улога во она што ќе се случи со глобалната економија доколку цените на нафтата и гасот се зголемат премногу“, објави CNN.
