Скопје, 7 март 2021 (МИА) – Во текот на првата седмица од најголемата статистичка операција попишани се вкупно 32.752 лица од дијаспората, соопшти Државниот завод за статистика (ДЗС).
ДЗС појаснува дека секојдневно го следи процесот и е во постојана комуникација со македонските иселеници. Како што посочија во соопштението, проблемот со ненавременото добивање на повратна порака за влез во апликацијата е надминат и апликацијата беспрекорно фунцкионира.
-Бројот на попишани расте секој ден. Самопопишувањето за едно лице трае само 10 минути и воопшто не е сложено. Ги охрабруваме и мотивираме иселениците да одвојат кусо време и да се самопопишат, се наведува во соопштението на ДЗС.
Како што посочуваат, иселениците можат да се самопопишат до 21 април.
