Кејла Алвес, бразилска одбојкарка која многумина ја сметаат за една од најубавите жени, го оствари својот сон да стане зајачица на Playboy.
Во последно време таа се посвети на објавување содржини на OnlyFans. Повеќе пати изјави дека сака да работи за Playboy.
Споменатиот машки магазин на социјалните мрежи објави дека таа е новата зајачица.
„Кога растев, соработката со Playboy ми изгледаше како многу далечна цел. Но, тоа отсекогаш беше мој сон, па се обидов да го остварам. Имам силна работна етика и чувствувам дека 2024 година ќе биде моја година“, рече Кеј.
Таа е член на бразилската одбојкарска репрезентација, а претходно призна дека од објавувањето експлицитни содржини заработува 50 пати повеќе од играњето одбојка.
„Генерално, мојот тим ме поддржува, иако не сите мои пријатели се среќни поради тоа. Некои од нив ги покажаа своите вистински лица и сега барем знам кои се моите пријатели. Некои играчи ми завидуваат на многу големата заработка. Но, клубот знае дека не работам ништо што негативно би влијаело на нивниот имиџ“, рече таа.
