Изминатиот викенд, за разлика од претходниот, немаше нови рекорди на гледаност. Деветтото продолжение на „Fast & Furious“ остана да доминира на бокс-офисот во Северна Америка, додека премиерата на „The Boss Baby: Family Business“ заработи 17,3 милиони долари во првиот викенд од прикажување.
„F9“ остана филм со најголема заработка во празничниот викенд во Америка. Кога станува збор за гледаноста, дури и со ковид рестрикциите, периодот од 2 јули до 4 јули помина како трет најдобар викенд од пандемијата, пишува Comscore.
Од филмската индустрија се надеваат дека трендот со пораст на продажбата на билети во киносалите ќе продолжи и понатаму, со оглед на тоа што премиерата на „Black Widow“ е закажана за 9 јули.
„F9“ во прикажувањето на празничниот викенд оствари заработка од 24 милиони долари и се задржа на врвот. На второ место е премиерата на „The Boss Baby: Family Business“ со заработка од 17.3 милиони долари додека премиерата на „The Forever Purge“ се најде на третото место со заработка од 1.7 милиони долари.
На четвртото место се најде „A Quiet Place Part II“ со заработка од 4.2 милиони долари, додека „The Hitman’s Wife’s Bodyguard“ заработи 3 милиони долари, доволно за да биде на петтото место.