Роџер Федерер нема да игра на Австралија Опен, кој ќе се одржи од 17 до 30 јануари 2022 година.
Иван Љубичиќ, тренерот на швајцарскиот ас, истакна дека Федерер уште не закрепна од операцијата на коленото.
„Сè уште се опоравува. Роџер сака да биде сигурен дали ќе може да го освои турнирот, сака да биде 100% подготвен, а тоа сега е невозможно“, изјави хрватскиот стручњак.
Последниот меч Федерер го одигра уште во јули на Вимблдон кога беше поразен во четвртфиналето од Хуберт Хуркач. После натпреварот имаше уште една операција на коленото.
„Роџер има 40 години. Мора да оди чекор по чекор бидејќи не се опоравува толку брзо како порано. Нема да ја заврши кариерата, но моментално не смее да брза со враќањето на терен“, изјави Љубичиќ.
Федерер во кариерата освои 20 Грен слем титули, а во Мелбурн славеше 6 пати.
