По потпишувањето на договорот со Aston Martin, искусниот шпански возач Фернандо Алонсо се подготвува за новата сезона во Формула 1, но учествува и во промотивните активности на компанијата.
41-годишниот Алонсо учествуваше во реклама за моќниот Aston Martin DBX707, што е британскиот одговор на теренците како што се Lamborghini Urus Performante и Porsche Cayenne Turbo GT.
Популарниот Нандо годинава ќе му биде колега на Ленс Строл во Ф1 тимот, сезоната е многу блиску, но пред тоа сними реклама за споменатиот супер SUV, кој го извозе до границите на патеката во потера по „ совршен круг“.
DBX707 е придвижуван од 4,0-литарски твин-турбо V8 мотор од AMG, кој развива 697 КС и 900 Nm вртежен момент. Забрзува од 0 до 100 км/час за 3,3 секунди и достигнува максимални 310 км/ч. Теренецот тежи 2.245 килограми.
