Филипче: Ќе се испитуваат антитела на товар на Фондот, но под одредени критериуми

Министерот за здравство Венко Филипче денеска изјави дека граѓаните ќе можат да испитуваат антитела на товар на Фондот, но ќе бидат потребни одредени критериуми и нема да може тоа да го прави секој.

– Разговарав со директорот на Институтот и заклучивме дека, сепак, има индикации да се прават испитувања за антитела. Се договоривме, да се врати повторно одлуката да се прават тие испитувања на антитела на товар на Фондот во Институтот за биохемија, но под одредени критериуми, да не биде дека кој било може да го направи тоа испитување оти финансискиот товар е многу голем, истакна министерот. 

Министерот на прес-конференција пред „А1 арената Борис Трајковски“ изјави дека утринава разговарал со директорите на Фондот за здравство и на Институтот за имунобиологија и хумана генетика и се согласиле оти треба да продолжи праксата овие тестови да бидат покриени на државен трошок, но ќе мора да се воведат категории.

Досега во земјава се вакцинирани 35.000 граѓани, вакцините на Pfizer ќе пристигнат во понеделник со што ќе се продолжи со имунизацијата. 

Од нив, околу 13 илјади ја примиле AstraZeneca, од која има уште 10.000 на располагање, нешто помалку од 3.000 има од руската Sputnik и илјада од кинеските вакцини. Во СЦ „Борис Трајковски“ се вакцинираат граѓани на 73 и 74 години со поредуцирани термини од претходните денови зашто често доаѓаат со придружба.

Министерот Венко Филипче денеска изјави дека дози од вакцините се распределуваат низ пунтовите низ државата, а системот ќе се дополни и со вакцините на Pfizer, за кои и денеска било потврдено дека во понеделник со авион ќе стигнат во Софија, а попладнето со специјален транспорт ќе дојдат во Скопје. На крајот од месецов ќе стигнат и кинеските – сите во една пратка наеднаш, по што вакцинирањето ќе продолжи по истиот систем како и досега односно по возрасни групи.

Како што вчера беше соопштено, на 19 и 26 април треба да стигнат по 10.000 вакцини Pfizer, а од Амбасадата на Кина беше потврдено дека околу 28 април ќе дојдат и  200.000  кинески вакцини.

Филипче изјави дека има доволно вакцини и дека нема потреба да се прават договори со српскиот Институт за вирологија „Торлак“, каде се произведува руската Sputnik V, но во вторник ќе оди во Белград и ќе разговара за можноста Институтот да стане стратешки партнер во набавката на вакцини за нашата земја.

Oцени дека имунизацијата се одвива добро и со иста динамика, но дека има поголема фреквенција на закажување во текот на оваа недела. Најави и подготвување на поголеми пунктови во шесте градови кои ќе бидат регионлани центри за имунизација.

-Планот е да се зголеми бројот на закажани термини во пунктовите во шесте градови – во спортски сали, улилишта или каде што ќе се одреди дека е најсоодветно, а тимот од Министерството кој ја организираше работата во СЦ „Борис Траковски“ викендов ќе оди да ги посети шесте градови кои ќе бидат регионални центри, изјави Филипче.

Неподвижните лица, рече, ќе бидат вакцинирани теренски, во нивните домови, согласно со пријавувањата и приоритетите.

На прашањето кога ќе се вакцинира тој и со која вакцина, министерот одговори дека нема преференции и дека сите се безбедни.

-Нека стигнат повеќе вакцини, ќе се вакцинирам и јас. Доколку видиме и процениме дека постои сомнеж, а во овој момент не гледам, освен она што постоеше за AstraZeneca за која ние веќе зазедовме став, одговори Филипче. 

реклама

Како изгледаат првите Viber стикери со македонски знаковен јазик?

Read more

Ненаситни за секс: Хороскопски знаци со најсилно либидо

Read more

Русија официјално ги прогласи САД и Чешка за непријателски држави

Read more

Какви промени да очекувате ако трчате редовно цел месец?

Read more

Македонија

КОВИД биланс: 112 нови случаи од 4.196 тестирања

Read more

Почнува вакцинацијата на пациенти со трансплантиран бубрег и кои одат на дијализа

Read more

Има повеќе слободни кревети од КОВИД пациенти на инфективните одделенија

Read more

Филипче: Верувам дека Заев повторно ќе го направи најдобриот тим

Read more
 

Вести

КОВИД биланс: 112 нови случаи од 4.196 тестирања

Читај повеќе
  • play_arrow

Новинарка во живо од бомбардирање во Газа: О Боже, морам да се тргнам!

Читај повеќе

Почнува вакцинацијата на пациенти со трансплантиран бубрег и кои одат на дијализа

Читај повеќе

Русија официјално ги прогласи САД и Чешка за непријателски држави

Читај повеќе

Претрес во Гази Баба, приведен дилер на дрога

Читај повеќе

Има повеќе слободни кревети од КОВИД пациенти на инфективните одделенија

Читај повеќе

Филипче: Верувам дека Заев повторно ќе го направи најдобриот тим

Читај повеќе
  • play_arrow

Фатен на камера – моментот на бомбардирање зграда во Газа

Читај повеќе
  • play_arrow

Напад врз медиумски работник да се третира како напад врз службено лице

Читај повеќе