Фото од друга димензија: Трио за милион лајкови
Францускиот шампион ПСЖ го освои својот прв трофеј сезонава.
Го победи Нант со 4:0 во Суперкупот, а еден од најгламурозните тимови во светот одигра натпревар за паметење. Нејмар постигна два гола, а Лионел Меси и Серхио Рамос по еден.
По средбата тројцата стрелци направија селфи. Рамос го објави на својот Instagram профил со порака „Денешните стрелци“. Објавата веднаш стана хит, а за само неколку часа собра повеќе од милион лајкови. Фотографијата ја споделија неколку странски медиуми, изразувајќи колку е невообичаена од историска перспектива.
Играчите кои беа икони на Реал Мадрид и Барселона, а често и лути ривали кои се бореа на теренот, сега се однесуваат како најдобри пријатели во светот.
„Фотографија од друга димензија“, напиша американскиот ESPN.