На јубилејниот 50-ти Охридски пливачки маратон победи францускиот маратонец Аксел Ремон во една возбудлива завршница кога за малку заврши пред Италијанецот Стокино и нашиот Поп Ацев.
Сите тројца трката долга 25 километри од Свети Наум до Охрид ја заврпија за време од 5 часа и 10 минути, а разликата ја направија секунди за тоа кој на кое место да заврши. На крајот најбрз беше Аксел Ремон, втор Едоардо Стокино, а трет Евгениј Поп Ацев.
Пласман:
- Аксел Ремон - 5:10:31,0
- Едоардо Стокино - 5:10:32,0
- Евгениј Поп Ацев - 5:10:34,5
„Бев блиску до првото место, може да се каже дека сум задоволен. Одлучуваа неколку секунди, на крајот одлучувачки беше спринтот. Аксел е светски шампион на 25 километри, тој беше фаворит и заслужено победи“, изјави Поп Ацев по напорната трка.
Во женската конкуренција се натпреваруваа 7 пливачки, а победи фаворитот, Французинката Осеан Касињол.