Судискиот комитет на УЕФА го назначи Клемен Турпен да го суди финалето на Лигата на шампионите на УЕФА помеѓу Ливерпул и Реал Мадрид, што ќе се одржи на „Стад де Франс“ во Сен Дени, Франција, во сабота на 28 мај во 21 часот.
Турпен е меѓународен судија од 2010 година, а ова за него претставува прво финале во Лигата на шампионите на УЕФА, откако беше четврти судија во финалето во 2018 година.
Оваа сезона тој судеше 7 натпревари од Лигата на шампионите, вклучувајќи го и првиот четвртфинален натпревар помеѓу Челси и Реал Мадрид.
Минатата сезона го судеше финалето на Лига Европа.
На Турпен ќе му помагаат сонародниците Никола Дано и Сирил Грингор, додека четврти судија ќе биде уште еден Французин, Беноа Бастјан. Улогата на ВАР му е доделена на Жером Бризар (Франција), а ќе му помагаат Вили Делаж (Франција) и двајца Италијанци, Масимилиано Ирати и Филипо Мели.