Френк Лампард начелно се согласил да ја прифати функцијата привремен тренер на Челси до крајот на сезоната, пренесува The Athletic.
Поранешната легенда на клубот се враќа на клупата каде што беше од јули 2019 до јануари 2021 година, кога беше заменет од Томас Тухел. Тој беше заменет на почетокот на сезоната со Греам Потер, кој беше отпуштен минатата недела.
Веќе е познато кој ќе биде во штабот на Лампард со оглед на тоа што не е сменет во однос на првиот мандат и времето поминато во Евертон, каде што доби отказ во јануари. Повторно ќе му се придружат неговиот поранешен соиграч од Челси и репрезентацијата, Ешли Кол, како и Џо Едвардс и Крис Џонс.
Екипата на Челси во вторникот беше предводена од помошникот на отпуштениот Потер, Бруно Салтор, и одигра 0:0 со Ливерпул, освојувајќи го 39. бод во сезоната, кој е доволен само за 11. место во Премиер лигата.
Со враќањето на Лампард, Челси купи време за детална потрага по вистинско, долгорочно решение за да не мора повторно да плаќа десетици милиони евра обештетување поради предвременото раскинување на договорот. Најсериозни кандидати досега се Јулијан Нагелсман и Луис Енрике.
