Велшкиот фудбалер Гарет Бејл синоќа беше официјално претставен во Лос Анџелес, а американскиот клуб соопшти дека Велшанецот едвај чека да игра во МЛС лигата.
32-годишниот Бејл потпиша едногодишен договор со Лос Анџелес, а во договорот постои опција за продолжување на соработката откако тој пристигна бесплатно од Реал Мадрид. Велшанецот се реши на невидено намалување на платата бидејќи од 28 милиони евра по сезона „падна“ на 1,5 милиони евра.
Лос Анџелес ФК синоќа го претстави Герет Бејл со одлично видео. Американците му приредија минута од најубавите моменти во кариерата на Бејл, во која беа прикажани спектакуларните голови во Тотенхем, Реал Мадрид и репрезентацијата на Велс.
За тоа време се огласи и Винсент Тан, кој долги години раководи со Кардиф Сити, на чиј праг беше Бејл. Малезиецот отворено жали што не успеал да го донесе Велшанецот во клубот.
„Ќе беше големо засилување за нас. За Бејл би значело многу да игра во неговиот роден град и сите Велшани би биле среќни да се вратат во неговиот роден град и држава за да играат за Кардиф. Лично, мислам дека понудата на Лос Анџелес беше премногу привлечна за Бејл да ја одбие. Сепак, тврдам дека навистина сакаше да дојде и дека парите не беа важни“, изјави Винсент Тан за talkSport.
Гарет Бејл би требало да дебитира во новиот клуб во градското дерби против Лос Анџелес Галакси на 9 јули откако официјално ќе биде отворен преодниот рок во МЛС.
