Новиот вид на SARS-CoV-2, кој брзо се шири во Велика Британија, за првпат е регистриран и во Германија, соопшти синоќа германската држава Баден-Вyртемберг.
Заразениот маж пристигнал во Франкфурт со авион од лондонскиот аеродром „Хитроу“ на 20 декември за да посети роднини и бил позитивен на тестот кој го направил по пристигнувањето.
Понатамошната анализа на примерокот во лабораторија во Берлин покажала дека станува збор за новиот вид. Ова се наведува во соопштение на здравствениот оддел на државата Баден-Вуртемберг.
Три лица кои биле во близок контакт со заразениот се во карантин.