Пандемијата на COVID-19 може да се смета за завршена и сега е ендемична болест, изјави германскиот виролог Критиан Дростен во коментар за весникот Der Tagesspiegel.
– Го доживуваме првиот ендемски бран со Sars-CоV-2 оваа зима. Според моја проценка, пандемијата е завршена, рече шефот за вирологија во берлинската универзитетска болница Шарите.
По оваа зима, имунитетот кај населението ќе биде толку широк и отпорен што вирусот ќе има мали шанси на лето, додаде Дростен кој за време на пандемијата се прослави во светски рамки како еден од најголемите експерти за коронавирусот.
