Вдишете длабоко, а потоа издишете. Можеби ова не ви звучи како нешто ново, но суштината е во тоа што повеќето од нас не го прават на вистинскиот начин.
Барем така вели Стујарт Сендмен, поранешен банкар и диџеј кој во последните неколку години се занимава со техники за подучување за правилно дишење.
Како што пишува британски Standard, Сендмен три години ја усовршувал оваа револуционерна техника. Истата има елементи на јога, но суштината е во тоа да ве врати на примарната техника на дишење. Кога сме под стрес, вдишувањето ни е кратко и плитко и така со текот на времето ја губиме способноста за длабоко дишење.
Седнете исправено со телото. Прво вдишете под градниот кош со отворена уста, лесно дишете на уста, а движењата на дишење ќе ги почувствувате во стомакот. Опуштете го градниот кош. Сега затворете ја устата и продолжете да дишете со истиот ритам низ нос.
И вдишувањата и издишувањата треба да бидат со еднакво траење. Кога ќе вдишете низ нос, вклучете ја дијафрагмата и кренете ги рацете над главата. Издишете низ нос и лесно спуштете ги рацете. Повторете ги вториот и третиот чекор со умерено темпо низ 15 вдишувања и издишувања.
Целата постапка повторете ја трипати.
Во видеото ќе погледнете како изгледа неговата техника за намалување на стресот и правилно дишење:
