Ако сакате нешто малку поразлично, тогаш пробајте лазањи со похувани тиквички.
Искористете ја сезоната на тиквички и подгответе ги најубавите лазањи за кои не ви треба тесто. Тиквичките се валкаат во презла, па се додаваат пршутата и сирењето и се печат во рерна. Вкусното јадење брзо стана апсолутен хит на социјалните мрежи, за 3 дена ова видео го погледнале над 3 милиони луѓе. Дајте им шанса на овие фантастични лазањи со тиквички.
Потребни состојки:
- 2 средни тиквички
- ½ чаша презла
- ⅓ чаша пармезан
- 1 лажичка сув магдонос
- ½ лажичка лук во прав
- ½ лажичка кромид во прав
- ½ лажичка слатка пиперка
- 6 тенки кришки пршута
- 230 гр моцарела (може да користите и тврдо сирење)
- 1-2 лажици маслиново масло
- малку мелена пиперка
Подготовка:
Тиквичките исечкајте ги тенко по должина. Во чинија измешајте ги лебните трошки, пармезанот, сувиот магдонос, лукот во прав, кромидот во прав, слатката пиперка и посолете по вкус. Во смесата валкајте ги тиквичките и наредете ги во тавче со димензии 23х13 см што сте го обложиле со хартија за печење и сте го попрскале со малку маслиново масло. Истурете една до две лажици од смесата со презла на дното на тавата. Наредете ги тиквичките така да се преклопат, па ставете 3 кришки пршута и потоа исечканата моцарела. Постапката повторете ја уште еднаш - тиквички, пршута, па моцарела. Затворете со тиквички и посипете со преостанатата смеса од презла. Посипете со малку маслиново масло и мелена пиперка. Печете на 180°C околу 25 минути, но оставете да отстои во тавата околу 10-15 минути пред послужување.
@hungryhappens Easy Zucchini ‘Lasagna’ Loaf (full recipe is on my website: HungryHappens.Net)
♬ original sound - Stella Drivas