Неодоливото свинско месо во сос од кисели краставички е меко како путер и неверојатно вкусно. Тајна состојка во сосот го прави ова јадење прсти да излижете.
Свинско месо во необичен сос од кисели краставички е одличен предлог за ручек. Уште кога ќе го послужите со печени и пржени компирчиња - нема подобар оброк. Месото се крчка во преубав сос во кој оди и булјон, а кој ќе го направи неверојатно меко и сочно. Подготовката не е тешка, во принцип сѐ само се крчка, додека тајната е во тој неодолив киселкаст сос кој на сите свински шницли им дава посебен шмек.
- 350 гр кромид
- 800 гр свински врат
- 2 лажици маст
- ловоров лист
- 1 лажичка ким
- 2 лажички сенф
- 2 лажички соја сос
- 1 лажичка ворчестер сос
- 1 л булјон (супа)
- 160 гр кисели краставички
На маст кратко пропржете ситно сечкан кромид, па додадете ги шницлите кои претходно од двете страни сте ги посолиле и побибериле. Додадете ловоров лист и ким кои претходно сте ги издробиле. Парчињата месо ставете ги едно над друго и така наредете ги во еден дел од тавата, а потоа во празниот дел додадете сенф, соја сос, ворчестер сос и промешајте. Месото сега ставете го нормално во тавата и турете од билјонот (коцка супа растворете во врела вода). Поклопете и оставете да се крчка 2 часа. Потоа извадете го месото, па процедете го сосот со помош на цедалка за крупните намирници да останат во неа. Во процедениот сос ставете ги киселите краставички кои сте ги исечкале на четвртинки, а потоа гответе 10 минути. Вратете го месото и гответе уште 2-3 минути.
Можете и да ги следите чекорите на видеото: