На загревањето пред натпреварот Јанг Бојс - Манчестер Јунајтед, Кристијано Роналдо со топка нокаутираше девојка дел од стјуардите на стадионот. Веднаш ѝ се извини.
Пред почетокот на натпреварот играчите на двата тима се загреваа на теренот кога при еден удар кон голот Роналдо промаши, а топката заврши во главата на девојката која е задолжена да внимава на публиката.
Овие стјуарди стојат со грбот завртени кон теренот, а со лицето кон трибината. Така, девојката воопшто и не насетила дека кон неа доаѓа бомба упатена од не било кој, туку Роналдо.
Девојката падна како покосена, а на помош веднаш ѝ пристапија останатите стјуарди кои стоеја во нејзина близина.
Роналдо дозна за бељата што ја направил и се присети на инцидентот од 2018 кога во Киев нокаутира камерман.
Веднаш се упати кон повредената девојка да види како е.
Нема ништо сериозно, само незгоден удар и моментална болка која ќе помине. Роналдо може да здивне.
Роналдо може спокојно да се врати на терен.
Подоцна се појави и видео од инцидентот:
