Intel го претстави процесорот Core i9-12900KS „Special Edition“, за кој компанијата тврди дека е најбрзиот десктоп процесор во светот.
Процесорот има 16 јадра, вклучувајќи осум Performance јадра и осум Efficient јадра, како и 24 нишки и 30NB l3 кеш. Core i9-12900K, кој моментално е актуелен, ги има истите спецификации.
Она што Intel го надгради од сегашниот процесор е брзината, така што Core i9-12900KS „Special Edition“ ќе има работен такт од 5,5 GHz (до две јадра) наместо 5,2 GHz, додека потрошувачката се зголемува од 125 на 150 вати.
Intel Core i9-12900KS ќе се појави на пазарот од 5 април и се очекува да чини најмалку 739 долари. Тоа е многу висока цена, дури и за процесор кој потенцијално може да ја преземе титулата најбрз во светот.
Сè додека репер тестовите не го потврдат ова, AMD се пофали дека Ryzen 7 5800X3D на компанијата е најбрзиот процесор за игри во светот, со цена од 449 долари.
