Членот на политичката партија Левица и советник во Град Скопје, Реџеп Исмаил, познат како Хактан, сподели иронична ретроспектива на, како што вели „дипломатските успеси“ на македонскиот министер за надворешни работи, Бујар Османи.
На својот профил, Хактан ја сподели следната содржина:
„Да направиме една ретроспектива на дипломатските 'успеси' на овој наш дипломат со бујна.... (кариера):
1)
* Оди во Шпанија како министер на Македонија и лобира Шпанија да го признае косово;
** По барање на Шпанија, Европскиот суд на правдата го исклучи Косово од учество во Организацијата на европски регулатори за електронски комуникации (БЕРЕК)!
2)
* Го посетува Киев и се ракува со Зеленски;
** Утредента паѓа хиликоптер во Киев и при несреќата загинуваат цело раководство на МВР на Украина, вклучително Министерот за внатрешни и неговиот заменик!
3)
* Зема да претседава со ОБСЕ;
** Пејџот на ОБСЕ стана сопственост на корејска порно индустрија!
4) Бонус
*** Того официјално го повлече признавањето на Косово!
Ни требаат повеќе вакви успешни приказни - алал вера миниСре!“.
Инаку, во текот на денешниот ден стигна информацијата дека африканската држава Того официјално го повлекла признавањето на Косово како независна држава и отсега го смета за дел од Србија.