Селекторот на италијанската репрезентација Роберто Манчини состави проширен список од 35 играчи на кои ќе смета за претстојното Европско првенство со цел сите фудбалери, кои ќе играат на завршниот турнир, да бидат вакцинирани.
Нивното вакцинирање треба да почне в понеделник и предизвикува остри реакции во јавноста поради бавното темпо на имунизација во 60-милионската Италија. Досега првата доза од вакцината против коронавирус ја примиле помалку 20 милиони Италијанци, а втора доза примиле помалку од шест милиони жители.
Европската фудбалска асоцијација претходно соопшти дека вакцинирање на фудбалерите, кои ќе настапат на Европското првенство, не е задолжително, но ги „охрабрува земјите учеснички што поголем број играчи да бидат вакцинирани“.
Италијанските медиуми јавија дека репрезентативците ќе примат вакцина од производителот Moderna со цел да можат да се ревакцинираат по три недели.
Европското првенство треба да се одржи од 11 јуни до 11 јули.
