Измамниците кои играат „Call of Duty“ на недозволен начин ќе бидат именувани и јавно посрамени откако ќе бидат исфрлени, потврди Activision.
Петтата сезона на „Call of Duty: Modern Warfare II“ и „Call of Duty: Warzone“ започна минатата недела, а една од надградбите се однесува на системот против измамници Ricochet.
Кога Ricochet ќе открие и отстрани „проблематичен играч“ од игрицата, сите играчи што се во истиот натпревар ќе бидат известени во кил фидот. На тој начин ќе знаат дека имале работа со измамник и дека системите на Activision ја откриле таа личност и ја исфрлиле од игрицата.
Известувањата за избрканите измамници, познати и како читери, не се нови во гејминг светот. Игрицата „BattleBit Remastered“ ја има истата функција. Сепак, во секој случај ова е добредојдена надградба.
Team Ricochet се обидува да го реши проблемот со измамниците, а неодамна против нив се воведени неколку мерки. Меѓу нив се конфискацијата на оружјето, неможноста да се забележат непријателите и воведувањето на клонови на вистински играчи кои им се појавуваат на сомнителни играчи и откриени измамници. Ако потенцијалниот измамник комуницира со еден од клоновите, автоматски ќе биде јасно дека тие мамат.
