Сајмон Левajев, познат и како Шимон Хајут, главниот лик од документарецот „The Tinder Swindler“ на Netflix, во ексклузивно интервју за Inside Edition тврди дека не е измамник, туку бизнисмен кој само сакал да запознае жени на Tinder.
„Јас не сум монструм, јас сум само маж кој сакаше да запознае девојки преку Tinder“, вели Хајут додавајќи дека трите девојки кои се појавуваат во документарецот не биле измамени, ниту биле во опасност.
Во документарецот се наведува дека се претставувал како син и наследник на тајкунот Лев Левajев, кој се збогати тргувајќи со дијаманти. Но, Хајут тврди:
„Не сум негов син, ниту така сум се претставил“.
Тој вели дека не се чувствувал лошо по се што е прикажано во документарецот, бидејќи воопшто не е тоа што го претставуваат,
Што се однесува до неговиот луксузен начин на живот, тој тврди дека е бизнисмен кој се збогатил така што во 2011 година купил биткоин.
„Нема потреба да откријам пред јавноста колку вреди денеска“, објасни Хајут во емисијата, додавајќи дека само сака да си ги исчисти образот и името од лагите.
Во интервјуто му се придружи и неговата девојка, манекенката Кејт Конлин. Таа за обвинувањата на трите девојки од документарецот тврди дека е неверојатно како некој би можел да изведе таква измама.
Вели дека Хајут никогаш не позајмил пари од неа.
„Не сум измамник и не сум лажен. Луѓето не ме познаваат и затоа не ни можат да судат за мене“, вели Хајут на крајот.
Според документарецот, тој ги измамил девојките така што им рекол дека е во опасност и му се потребни пари. И пред овој скандал, Хајут бил обвинет за измами во Израел и одлежал две години во затвор во Финска поради измама на други три девојки. Хајут најави тужба за Netflix и ги демантира настаните од документарецот.
