Попладнево во просториите на ФФМ беа извлечени двојките за новата сезона во 2.МФЛ и за 1. коло од Купот на Македонија.
Жрепката одлучи во 1. коло од новата сезона 2022/2023 во втората лига да се сретнат:
Кожуф - Пелистер
Арсими - Вардар
Охрид - Тетекс
Детонит - Плачковица - Беласица
Караорман - Воска Спорт
Борец - Слога 1934
Локомотива - Гостивар
Саса - Беса 1976
Сезоната почнува на 13 август од 17 часот, а ќе заврши со 30. коло на 13 мај 2023 година. Првите две места ќе водат во 1.МФЛ во сезоната 2023/2024, додека 3. и 4. место ќе учествувата во бараж натпревари заедно со 9. и 10. пласираните екипи од 1.МФЛ.
По второлигашката жрепка беше направена и жреоката за 1. коло од Купот на Македонија каде бидејќи недостасувата два тима од предвидените 32, минатогодишните финалисти Македонија ЃП и Силекс ќе бидат слободни во воведната рунда и ќе почнат од четвртфиналето.
Двојки за осминафиналето (во заграда е лигата во која настапува клубот):
Беласица (2) - Шкупи (1)
Гостивар (2) - Пелистер (2)
Тетекс (2) - Академија Пандев (1)
Слога 1934 (2) - Брегалница (1)
Саса (2) - Вардар (2)
Кожуф (2) - Тиквеш (1)
Вардар (Н) (3) - Струга (1)
Карбинци (3) - Победа (1)
Зајази (3) - Воска Спорт (2)
Фортуна (3) - Борец (2)
Љуботен (3) - Ренова (1)
БВК Коњаре (3) - Работнички (1)
Црно Буки ЗЛ (3) - Скопје (1)
Караорман (2) - Шкендија (1)
Натпреварите ќе се играат на 14 септември. Ќе се игра еден натпревар каде доколку по 90 минути нема победник ќе се оди директно на пенали.
Бранител на пехарот е тимот на Македонија ЃП.