Toyota го „прескокна“ Volkswagen на листата компании кои продадоа најмногу автомобили во една година.
Toyota продала 9,53 милиони возила, додека германскиот гигант Volkswagen продал 9,31 милиони, според AutoNews.
Очекувано или не, обете компании продадоа помалку возила во 2020 година отколку во 2019 година, а интересно е што Volkswagen имаше најголем успех во Европа, додека Toyota беше најдоминантна во САД.
Кога ќе се спореди со 2019 година, Toyota имаше пад од 11 проценти, додека Volkswagen пад од околу 15 проценти.
Toyota не била најпродаваниот бренд во светот од 2015 година, кога Volkswagen го „презеде престолот“.
