Маестралниот Никола Јокиќ му донесе нова победа на Денвер Нагетс со која го задржа на врвот во Западната конференција.
Јокиќ беше на само една асистенција до нов трипл-дабл учинок. Сјајниот Србин натпреварот против Лос Анџелес Клиперс го заврши со 32 поена, 16 скока и 9 асистенции и беше клучниот човек во победата од 111:108.
Заедно со него двоцифрен учинок имаа уште четворица соиграчи, а најмногу постигна Арон Гордон (20). Кај Клиперс најефикасен беше Пол Џорџ кој постигна дури 35 поени.
За разлика од Јокиќ, другата балканска суперѕвезда, Лука Дончиќ, имаше ноќ за заборав во поразот на Далас Маверикс од Њу Орлеанс Пеликанс со 131:110.
Дончиќ постигна само 16 поени со по 2 скока и асистенции, што е убедливо најслаб негов учинок сезонава.
Брендон Инграм со 25 поени, 9 скока и 7 асистенции, Зион Вилиамсон со 19 поени, 7 скока и 5 асистенции и новајлијата Џордан Хокинс со 25 поени и 6 скока беа одлични за Њу Орлеанс.
Резултати:
Шарлот Хорнетс - Мајами Хит 105:111
Торонто Репторс - Атланта Хокс 120:126
Филаделфија 76ерс - Индијана Пејсерс 126:132
Бруклин Нетс - Орландо Меџик 124:104
Оклахома Сити Тандер - Сан Антонио Спарс 123:87
Јута Џез - Портланд Треил Блејзерс 115:99
Голден Стејт Вориорс - Минесота Тимбервулвс 101:104
Лос Анџелес Лејкерс - Мемфис Гризлис 134:1
Табели: