Центарот на Денвер Нагетс на самиот крај на сезоната освои уште една награда за играч на неделата во Западната конференција.
Во претпоследната недела, во која Денвер се бори за место во плеј-офот, Никола Јокиќ на спектакуларен начин го предводеше својот тим до третата победа во четири натпревари.
Бранителот на МВП титулата имаше просек од 34,8 поени, 17,3 скока и 8,5 асистенции.
Наградата на Истокот сосема заслужено ја доби бекот на Атланта, Треј Јанг. Тој ги предводеше Хокс до сите четири победи, со просек од 30,3 поени, 10,8 асистенции и 3,3 скока.
Јокиќ по втор пат сезонава е избран за најдобар играч на неделата на Западот.
Неговиот главен ривал за МВП титулата, Камерунецот Жоел Ембиид, еднаш ја освои титулата на Истокот, но води Јокиќ по бројот на најдобри играчи во месецот (2-1).
Ноќеска беше слободен ден во НБА бидејќи се играше завршницата во НЦАА колеџ лигата, пред нас е последната натпреварувачка недела, а несомнено е дека и Јокиќ и Ембиид ќе дадат сѐ од себе за да постигнат што е можно подобри бројки и со тоа да ја решат борбата за МВП на лигата.
Јокиќ и Денвер вечер во 3 часот после полноќ го пречекуват Сан Антонио Спарс, додека Ембиид и Филаделфија 76ерс во 1 часот играат на гости кај Индијана Пејсерс.
