Српскиот центар Никола Јокиќ одигра одлично против Милвоки Бакс на гости, во победата на Денвер Нагетс со резултат 136:100.
Нагетс славеа убедливо против шампионот во Висконсин, а на Јокиќ му недостигаше еден скок за трипл-дабл учинок.
На теренот мина само 28 минути и забележа 18 поени, девет скока и 15 асистенции.
Погоди 5/5 за два, 2/4 за три поени и 2/2 од линијата за слободни фрлања.
Натпреварот го отвори со две промашувања, но ги разигра соиграчите и по првата четвртина имаше дури осум асистенции.
Јокиќ одморен влезе пред крајот на првото полувреме и запиша уште една асистенција, а Денвер имаше +5 на големиот одмор.
Српскиот центар потоа додаде гас во третата четвртина и погоди четири врзани шутеви без промашување, па Денвер отиде на +19 пред последната четвртина.
За Милвоки немаше враќање, Јокиќ можеше да одмори, резервистите си ја завршија работата и на крајот речиси ја удвоија предноста.
Арон Гордон беше најефикасен кај Денвер со 24 поени, Морис постигна 18, Бартон 15, Форбс 14 и Хајленд 13 поени.
Кај Бакс се истакнаа Јанис Адетокумбо со 29, Холидеј со 14 и Портис и Ален со по 11 поени.
Пистонс - Кавс 115: 105
Бакс - Нагетс 100: 136
Тимбервулфс - Џез 126: 106
Меџик - Маверикс 110: 108
Санс - Спарс 115: 110.
