Јувентус минатата сезона ја заврши на, за нив, прескромната седма позиција со 62 бода, со што обезбеди учество во квалификациите за Конференциската лига, но вистинското прашање е дали „Старата дама“ ќе игра во тоа натпреварување.
Buongiorno Italia пренесува дека челниците на гигантОт од Торино одлучиле следната сезона да не играат во Конференциската лига, за подобро да се сконцентрираат на домашното првенство.
Очигледно со задоволство би го отстапиле тоа место на тимот кој е под нив на табелата, а тоа е Фиорентина.
Тоа е некаков договор меѓу УЕФА и Јувентус кој би бил од корист за двете страни.
На овој начин куќата на европскиот фудбал сака да му се оддолжи на Јуве за излегувањето од приказната за Суперлигата, а од друга страна торинскиот гигант едноставно не е заинтересиран за ова натпреварување.
Сезоната зад нас беше повеќе од турбулентна за најтрофејниот италијански клуб.
Во еден момент од сезоната на Јувентус му беа одземени дури 15 бодови, по што казната беше вратена на повторна евалуација, а на крајот беше сменета на минус 10 бодови.
Од друга страна, Фиорентина со пласманот 8. место остана без излез во Европа, иако сезоава стигна до финалето токму во Европа Конференциската лига, каде загуби од Вест Хем. Доколку победеше, „Виола“ автоматски ќе се пласираше во групната фаза од Лига Европа.