Во државите ширум светот постојат различни правила за тоа како треба да се ослободите од знамето кое повеќе не е за употреба.
Како и сѐ останато, така и знамињата имаат свој животен век. Материјалот од кој се направени може да се искине, да избледи бојата, па знамињата стануваат неупотребливи. Колку и да се оштетени, нив не може едноставно да ги фрлите в ѓубре.
Во оваа епизода ќе погледнеме како четири држави имаат свои правила за одлагање на неупотребливо знаме.
САД
САД е една од многуте земји кои имаат усвоено посебен протокол кој налага дека знамето од кое сакате да се ослободите треба да го запалите, и тоа во церемонија.
Нов Зеланд
Во оваа островска земја постои сличен протокол како и во САД, но со таа разлика што не треба да го палите во јавна церемонија, туку новозеландското знаме се пали исклучиво во инсинератор. Инсинератор е машина за горење на отпад, особено индустриски, и тоа на висока температура што фрлениот материјал го претвора во пепел.
Канада
Канадскиот закон ви дозволува препознатливото знаме со јаворов лист да го исечете на парчиња и тоа секоја боја во едно парче, кои потоа можете да ги користите за разни намени. На овој начин знамето едноставно ќе стане различни парчиња ткаенина.
Австралија
Во Австралија правилниот протокол на одлагање на државното знаме е да го исечете на ситни парченца и тоа до непрепознатливост. Потоа парчињата се собираат во затворена кутија која на крајот се фрла в ѓубре.
