Еден километар плус или минус многу би го променил изгледот на нашата планета. Би добиле повеќе копно во едното сценарио, а планета со многу малку копно во другото.
Сегашната слика на Земјата на сите ни е позната. Глобалниот океан зафаќа 361.132.000 км² или дури 70,8% од земјината површина со волумен од околу 1.332.000.000 кубни километри, а најголемата длабочина е 10.911 метри. Земјата ја сочинуваат 5 океани и тоа Северен Леден, Атлантски, Индиски, Тихи и Јужен Океан.
Доколку нивото на океаните би се зголемило за 1 километар, што во модерното доба и малку по малку се случува поради глобалното затоплување и топењето на мразот, копното драстично би се намалило.
Над водата би останале само големите планински масиви. Најмногу би настрадала Австралија од која би останале само неколку островчиња. Многу површина ќе изгубат и Европа, Јужна и Северна Америка. Некои држави целосно би исчезнале под површината.
Доколку, пак, нивото на океаните би се намалило за 1 километар, континентите би се зголемиле површински, но не премногу. Островите Ирска и Велика Британија би станале дел од Европа, Италија ќе се спои со Тунис, а огромна површина би добиле Норвешка, Канада, Русија и САД. Последните две и би се споиле копнело преку Камчатка и Алјаска.
