Голот на Сент Луис Сити против Остин стана вирален на социјалните мрежи.
Фудбалот е полн со убави голови, потези, шанси, но има и многу грешки и промашувања. Еден од потезите кој стана хит на социјалните мрежи е виден во Америка. Во МЛС каде фудбалер на Остин буквално му подари топка и гол на Сент Луис Сити.
Дефанзивецот Кип Келер ја имаше топката во 78. минута, бараше кому да ја додаде, ја следеше ситуацијата напред и потоа се сврте кон својот голман, па реши да му ја испрати топката. Она што не го забележа е дека меѓу нив двајца се наоѓа противничкиот играч Џеред Строуд. Му ја додаде топката право в нозе, па на Строуд не му беше тешко да го матира Бред Стувер во ситуација еден на еден. За работите да бидат полоши за Келер и Остин, гостите направија целосен пресврт. Тоа беше гол за 2:2, по што во 86. минута Жао Клаус погоди за 2:3 и големо славје.
Овој потег и голот како што се виде брзо се прошири на социјалните мрежи и сите се изненадени. Впрочем, тоа се виде и од реакцијата на играчите на теренот и публиката. И соиграчите на Келер и противниците беа во шок. Инаку, она што е интересно за МЛС е ситуацијата околу асистенциите. Според правилата на ова натпреварување, асистенција му се припишува и на играчот кој му ја додал топката на асистентот за гол.