Суперексклузивниот Rolls-Royce Boat Tail чини неверојатни 20 милиони фунти (околу 23,3 милиони евра), што е значително повеќе од кој било нов автомобил во историјата.
Познато е дека Rolls-Royce прави некои од најскапите автомобили на денешницата, но најновиот модел на Гудвуд далеку ги надминува сите други по цена.
Создаден како омаж кон истоимените автомобили Rolls-Royce од третата и четвртата деценија на 20 век, Boat Tail ја продолжува традицијата на рачно изработени уникатни модели, како што е уникатното купе Sweptail 2017, кое чинеше 10 милиони фунти.
Кога станува збор за моделот Boat Tail, Rolls-Royce направи само три примероци, а пред вас е првиот од нив.
Цената на овие суперексклузивни кабриолети е дури 20 милиони фунти, а секоја од нив е направена според желбите и спецификациите на клиентите.
Rolls-Royce Boat Tail се базира на седанот Phantom, а должината на возилото е импресивни 5.800 mm.
За разлика од алуминиумската основа што се произведува сериски, секој од трите автомобили има рачно изработена каросерија, додека сите други надворешни елементи, како што се светлосните групи, се исто така уникатни.
Задниот дел од автомобилот, како што сугерира името на моделот, е моделиран според моторните чамци од некои минати времиња, што му дава на возилото потребната доза на ретро изглед.
Капаците направени од дрво се отвораат нагоре, откривајќи преграда во која има два мини-фрижидери со шишиња за шампањ и комплет чаши. Последниот дел крие чадор што се преклопува, како и две маси за пикник во природа.
Под хаубата на таквото импозантно возило мора да има импресивен мотор.
Погонскиот агрегат е преземен и од Phantom, а станува збор за 6,75-литарски V12 со 571 КС (420 kW) и 900 Nm. Силата се пренесува на тркалата преку 8-степен автоматски менувач.
За да го видите овој убавец во детали, погледнете ја ГАЛЕРИЈАТА.
