Древните Египќани биле едни од првите големи цивилизации на планетава и едни од оние кои отишле дотаму што практикувале и хируршки интервенвенции. Но, како навистина изгледало такво нешто во антиката?
Египетското општество било одлично структурирано, а Египќаните имале развиено софистицирана агрикултурна економија, како и добар правен систем кој му давал стабилност на секојдневниот живот. Почнувајќи од некаде четвртиот милениум пред новата ера, па сѐ до персиската инвазија во 525 година п.н.е., египетската медицина се развивала паралелно со останатите гранки.
Развојот на општеството во древниот Египет отишло дотаму што старите Египќани, како што покажуваат археолошките докази, изведувале дури и хируршки интервенции.
Египетската медицина се бавела со местење на коски, поправање на заби, како и неинвазивни операции, односно операции со мали засеци без длабоко навлегување во телото.
