Мијте ги рацете, држете растојание, носете маски. Ова се основите на заштитата од инфекција со коронавирус.
Во ситуации кога немате услови да ги измиете рацете најмалку 20 секунди со чиста вода и сапун, се препорачува дезинфекција на рацете со производи на база на алкохол.
Полиците во продавници и аптеки се полни со разни производи. Но, можете и самите да направите домашно средство за дезинфекција на рацете.
Сите состојки мерете ги со истиот сад (чаша).
УПАТСТВО
1. Во сад измешајте две третини изопропил алкохол (99,9-постотен што се користи за чистење) со една третина гел од алое вера.
2. Промешајте ја смесата и префрлете ја во шише (со пумпа) во кое ќе го чувате вашето средство за дезинфекција
3. Повремено протресете го шишето.
Алое верата во овој „рецепт“ служи за да ги заштитите вашите раце од агресивните ефекти на алкохолот. Што се однесува до алкохолот, се смета дека дека концентрациите од над 60 проценти алкохол, без разлика дали се изопропил или етанол, се доволни за да се убијат микроорганизмите. Две третини од алкохолот би значело 66,7 проценти, или околу 70 проценти, колку што е концентрацијата во стандардните гелови за дезинфекција на рацете.
Разредувањето на средството за дезинфекција под 60 проценти алкохол дефинитивно го прави неефикасно. Исто така, жестоките пијалаци што најчесто се служат не се доволно силни за дезинфекција на рацете од коронавирус, освен во случај на пијалоци со концентрација на алкохол од 67 проценти или повеќе.
Проблемот, сепак, може да биде и тоа што оваа концентрација на алкохол во агенсот е на долниот раб на ефективноста. Светската здравствена организација наведува концентрации од 75 проценти изопропанол и 80 проценти етанол како безбедни и 100 проценти ефективни. Кога станува збор за етанол, постојат алкохолни пијалоци кои можат да ги исполнат дури и овие стандарди. Спротивно на тоа, некои производи што се продаваат како средства за дезинфекција на рацете имаат нешто повеќе од 50 проценти алкохол.
